معلومات تكنولوجيا وكمبيوتر

خبير أمني: اكتشاف ثغرة خطيرة في “مايكروسوفت” تؤدي إلى اختراق الأجهزة والتحكم الكامل فيها.

تم اكتشاف ثغرة خطيرة فى انظمة تشغيل مايكروسوفت ويندوز بتؤدى فى النهاية الى اختراق جهازك والتحكم فيه بالكامل فى حالة  لم يتم تفعيل الجدار نارى firewall ، الثغرة شبيههة بثغرة Eternalblue اللى استخدمتها برمجية الفدية الخبيثة WannaCry وبتستغل خطأ برمجى فى الاصدار الثالث من بروتوكول مشاركة الملفات من مايكروسوفت SMB v3، الثغرة لها الاسم الكودى: CVE-2020-0796 و بتصيب الاصدارات التالية من نظام التشغيل ويندوز:

Windows 10 Version 1903 for 32-bit Systems

Windows 10 Version 1903 for ARM64-based Systems

Windows 10 Version 1903 for x64-based Systems

Windows 10 Version 1909 for 32-bit Systems

Windows 10 Version 1909 for ARM64-based Systems

Windows 10 Version 1909 for x64-based Systems

Windows Server, version 1903 (Server Core installation)

Windows Server, version 1909 (Server Core installation)

لو عندك اى اصدار من الاصدارات السابق ذكرها وبسبب ان لم يتم تحديث مايكروسوفت فدا حل مؤقت لحد ما مايكروسوفت تطلق التحديث لسد الثغرة دى لازم تعمل الاتى:

١. تتأكد ان ال Firewall عندك مفعل من خلال انك تدخل على لوحة التحكم Control Panel ومنها تبحث عن الكلمة المفتاحية Firewall وتتأكد انه شغال بكافة اعداداته كما فى الصوره دى: more

٢. قم بالضغط على قائمة Start او "ابدا" ثم اكتب powershell ثم اضغط الازرار دى على لوحة المفاتيح فى نفس الوقت (مفتاح Control او CTRL ومعاه مفتاح Shift ومع الاستمرار بالضغط عليهم هما الاتنين اضغط معاهم على مفتاح ENTER) او بعيدا من لوحة المفاتيح (كليك يمين على ال powershell واختار run as administrator) بعدها هيطلب منك الكمبيوتر انك توافق على تشغيل powershell بصلاحيات admin اضغط "موافق" او YES كما فى الصورة دى: Skty بعد ما تضغط على "YES" قم بكتابة السطر التالى بالكامل (خده نسخ و لصق):

Set-ItemProperty -Path "HKLM:\SYSTEM\CurrentControlSet\Services\LanmanServer\Parameters" DisableCompression -Type DWORD -Value 1 -Force

بعد لصق الامر السابق فى ال powershell اضغط على مفتاح ENTER، دلوقتى المفترض ان مفيش اى شئ يحصل واللى تم شرحة دا موضح فى الصورة دى: Skty

الثغرة خطيرة لدرجة انها ممكن ينتج عنها تأثير انتشار كبير "دودى" لان الثغرة ممكن تقنياً يتم ادراجها فى برمجيات خبيثة كتيره ومتنوعه من شأنها تحول استغلالها لانتشار فيروسى او wormable.

#أمن_معلومات 🤖🏃‍♂️